Ua maitauina le maualuga o le aofai o tamaiti aoga laiti ua aafia i le talevivini i Niu Sa Uelese i ni nai masina talu ai nei e pei ona faailoa e le NSW Health.
Fai mai o Me 2023 e 1,135 tamaiti na lipotia le aafia ae ua faateteleina talu mai Fepuari o le tausaga nei.
O tamaiti mai le 5-15 tausaga e aupito i taatele ai lea ituaiga tale e pei ona faailoa e le NSW Health ma ua tuuina foi i mātua o nisi o tamaiti aoga ni lapataiga e faatatau i le maualuga o le aofai o tamaiti aafia.
Ua lapataia foi afai e iai auga o lea ituaiga tale e lē tatau ona oo ane i le aoga ma ia sailia se fomai ma fai siaki.
E atili pepesi pe a tale le tagata aafia agai i le ea ma mānavaina ai e isi, ma afai ae lē togafitia e oo atu lava i le tolu vaiaso o taletale pea.
Puna o Faamatalaga: https://www.9news.com.au/national/whooping-cough-nsw-unseasonably-high-numbers-of-whooping-cough-cases-among-schoolaged-children/2c79d14f-faaf-4689-986d-4efd80912543
