Fai mai e 4,282 tagata ua faamaonia le aafia i le koviti na lipotia mai i le aso ananafi ma o lea fuainumera ua 9.4 pasene ua maualuga ai nai lo le aso lua na tea nei.
O le taimi mulimuli na oo ai i le fa afe le aofai o tagata na aafia i le faamai i le atunuu o le masina o Aokuso aso 17 i le tau faaiuiu ai o le tau malulu.
Fai mai le matagaluega o le soifua maloloina e le taumate o le a faasolo pea ina siisii le aofai o tagata aafia aemaise le oo mai o isi subvariants fou.
Ta’ua foi e le matagaluega o le isi subvariant lea o le BQ 1.1 ua vaaia e fai foi si vave aafia ai o taagta nai lo le BA.5 ma le isi subvariant o le XBB.
O loo faaauau pea ona mataituina e le matagaluega le faagasologa o nei vairusi.
