E maualalo tele ofo ua fai mai kamupani inisiua latou te totogiina mai mo fale na faaleagaina e lologa.
E molimau nisi o tagata Aukilani e faitau sefulu afe e maualalo ai ma e le gata i lea e le o mafai ona iai se avanoa e tuuina mai e faia ai ni faatusatusaga mo tagata e ana fale ma fetuunai.
E molimau ai se tasi i tala a le 1News e sau le tau atoa a le kamuta e tusa ma le $90,000 e moomia e toe faaleleia ai le fale ae tuu atu i le inisiua ae sau le tali e na o le $20,000 na te tuuina mai.
O loo toe molimau ai foi le aukamuta i le moni o le faaseā a i latou nei e ana fale na faaleagaina, peitai o le tali a kamupani inisiua o lea o loo fua la latou tau i tau o le maketi.
E le na o le pau ai lea o le lu’itau o loo ui ai aiga nei na faaleagaina fale, o nisi o molimau faamoemoeina a tala fou ua toe faailoa o lea na oo atu kamuta i le tolu masina talu ai talepe i lalo vaega o fale e toe faaleleia ma o lea ua sau lava le tau malulu e lei toe lotea lava ae ua na ona la’u atu o uta ma le tala o loo tele galuega o loo faasolo.
O le faamanatu mo aiga nei e moomia se fesoasoani, o loo iai le Claim Resolution Service poo le auaunaga o loo fesoasoani mai ai lea mo aiga e le o faamalieina.
