E na o le tasi vaetolu o tamaiti aoga na pasi i suega faataitai o le NCEA.
Fai mai lipoti i le aso ananafi toeititi lua vaetolu o tamaiti aoga e le pasi le suega faataitai lea sa faia i le vaega o le tusitusi ma le numera.
O le vaega na aupito maualuga ai togi o le faitautusi lea e 64 pasene o tamaiti na pasi. O le numera e na o le 56 pasene ma le 34 pasene o tamaiti na pasi i le tusitusi.
Fai mai ua maitauina ua maualalo tele le iuga lea faatusa i le tausaga na tea nei ma ua faapopoleina ai faiaoga.
Sa fesiligia ai e le autusitala i le aso ananafi le minisita o aoga Chris Hipkins ma le minisita lagolago o Jan Tinneti i ni o la finagalo faaalia i le mataupu ma o loo talia ai se isi lipoti i le mataupu lava lenei.
