Ua pa’ū maualalo le fuainumera o cases o le Koviti i tua i le komiuniti e pei ona lipotia mai e le matagaluega o soifua mālōlōina ananafi.
E to’a 1,394 cases na lipotia ma o le faato’ā toe maua lea o le maualalo sa faamauina i le aso 19 o Fepuari o le tausaga nei.
O le faai’uga foi o le vaiaso, o le uluai taimi lea ua lē toe faailoaina mai ai lipoti i aso ta’itasi e pei ona masani a’i, ae o lea ua suia online, ma i faamaumauga ua atagia mai ai foi le maualalo o siaki poo tests na faia.
E ese mai i cases i le komiuniti, ua faamauina e 90 cases ua maua mai ia i latou na malaga mai isi atunuu, e 357 i latou ua taofia i falemai ona o le faama’i, ae to’asefulu tagata maliliu faaopoopo.
Ua atoa ai le 2,778 tagata Niu Sila ua maliliu ona o le Koviti.
