Mai Brisbane o loo faagasolo nei se su’esu’ega i se tinomaliu o se tagata o se alii na maua i le nofoaga o nofoaafi i Brisbane.
Fai mai le lipoti lata mai e to’atolu tagata ua pu’eina e leoleo ma o loo taofia i le latou vaaiga talu ai ona maua le tino maliu lea i Fortitude Valley Train Station.
Foliga mai e talitonuina o se vevesi na tulai mai i le va o ni kulupu se lua i le nofoaga o nofoaafi poo le ta o le fā i le vaveao e afua mai ai lenei faalavelave.
E lē o aafia ai faigamalaga masani a nofoaafi ae ua poloka e leoleo le auala e ulufale ai i le station a o faagasolo a latou su’esu’ega.
