Maua se tino maliu i luga o le matafaga, Coogee Beach ma o loo faatalia le faamaoniaina o lē ua maliu ae manatu nisi o si alii lea sa tau sailia i nai aso ua tuanai.
Na valaau ane ai leoleo i le matafaga lea i le itu i Saute i Sasae o le city i le mae’a o lipoti na maua ane i le afiafi ananafi.
Fai mai leoleo a Niu Sa Uelese o loo galulue nei i le sauniaina o faamatalaga mo le coroner.
O le alii sa tau sailia sa fai i lona aiga e agai mo sana taelega i le matafaga i Maroubra i le Aso Toonai peitai e lei toe foi ane.
Sa logoina leoleo i le Aso Sa ma amata ai loa le sailiga.
O loo faagasolo pea le suesuega.
