E foliga mai na tuli e ni alii se to’alua se tamaitai ma faaoolima iai ma fana ai i se magaala i se faaitu o le itu i Matu o Brisbane pei ona faamaonia mai e leoleo.
O le faaitu o Caboolture lea na tupu ai le faalavelave i le vaveao ananafi na maua ai se tamaitai e 23 tausaga o taatia i le auala e lē o mānava.
Na taumafai iai galuega lavea’i peitai e le’i manuia.
Fai mai leoleo e oo mai i le taimi nei e le’i iai se tasi ua pu’eina i lenei faalavelave ae e foliga na fana le tamaitai ua maliu.
Na lipotia e nisi o tuaoi le faalogoina o le pā pā ane o fana.
O loo faaauau le su’esu’ega a leoleo i le taimi nei i lea faalavelave.
Puna o Faamatalaga: https://www.abc.net.au/news/2024-12-22/qld-caboolture-suspicious-death-body-found-police-investigating/104755518
