Mai Niu Sa Uelese e toalua foi isi alii talavou na tulai i le faamasinoga e mafua mai i le vevesi na tupu i se taulaga faatau i NSW, i le Central Coast i le amataga o le masina nei.
O loo ta’ua e le 9News o le afiafi o le Aso Tofi 11 o Iulai na tupu ai lea vevesi, na fai ai se vesiga a se kulupu o ni tagata talavou i le food court lea, ma na sosola ese a o lei taunuu atu leoleo.
E leai ni lipoti o nisi na faamanu’alia peitai na maua ane ai se samala i suesuega na faia.
Poo le te’a o le ‘afa o le 11 ananafi ae pu’e loa e leoleo ni alii se toalua, 18 ma le 20 tausaga ina ua agai atu i le ofisa o leoleo i Wyong.
Sa teena le tatala i tua o le 20 tausaga se’i vaganā le 18 tausaga faato’ā tulai i le faamasinoga i le aso 21 o Aokuso ma o loo faaauau pea le suesuega.
Puna o Faamatalaga: https://www.9news.com.au/national/two-charged-over-food-court-brawl-nsw-central-coast/76af171f-4dd6-49e4-85cb-69c67670075d
