E le o manatu māmā leoleo mai i latou o feagai ma le suesueina o se mataupu ua lipotia ane mai Ueligitone i le asō, ua maua ai se nila faaaoga i suisuiga i totonu o se falaoa, le Ploughmans bread.
O le bakery sa faatauina ai le falaoa lea ua faailoa o loo agai iai suesuega ae ua faamatala e le tagata na mauaina lea nila, o lona manatu ona o ia e iai si ana fanau laiti, atonu ai o se fia mālie o se isi o le fanau ua faatino ai lea tulaga.
Peitai fai mai lea alii e lē o le tulaga lea na iai ma o le falaoa sa ia faatau maia i se supamaketi i Lower Hutt i le masina talu ai ma sa tuu i le fulisa.
O le falaoa lea o le Ploughmans e umia e George Weston Foods lea foi latou te gaosia le Tip Top Bread ma le Burgen bread. I se faamatalaga ua ta’ua ai e le sooupu mai le kamupani lea ua suesuena, o le taimi nei ua tuuina atu le falaoa ma le tagapepa sa iai mo suesuega ma a mae’a ona tuuina lea i leoleo e latou te tuuina atu ai i le Institute of Environmental science and research mo suesuega tutoatasi.
I se taimi foi ua sola sa alia’e ai se isi tulaga tai faapea o i na maua ai nila suisui i strawberries i Ausetalia ma iu ai ina aveesea mai e Niu Sila oloa ia a Ausetalia mai ana supamaketi.
