O loo iai popolega o leoleo i se tina ma sana pepe ina ua maua faamaoniga na ola se tina i tafatafa o se vaitafe i le itu i Sisifo o Sini i Ausetalia ananafi.
O le faamatalga a leoleo ua lipotia i le 9News ua ta’ua ai na valaau ane i latou i le ituvai o le Cooks River i Earlwood poo le ‘afa o le 4 i le afiafi ina ua maua faamaoniga e iloa ai o se pepe na fanau ai i lea nofoaga.
O le taimi nei o loo faia suesuega a leoleo ae o le popolega lea e mo le tamaitai na ola ma lana pepe ma o loo unaia foi e leoleo lea tamaitai ina ia agai vave i se falemai mo ia ma lana pepe.
Ua talosagaina foi e leoleo le atunuu e silafia ni faamatalaga i le mataupu lea ina ia fesootai vave ane.
Puna o Faamatalaga: https://www.9news.com.au/national/sydney-news-cooks-river-discovery-of-evidence-mother-gave-birth-sparks-police-appeal/891d5a62-3517-470a-806b-95914bcd6950
