O le vaiaso lenei na amata faasolo ai se tasi o galuega faatino- o sailiga a leoleo Waitematā e faaaoga ai pepa faataga i itu o Mangawhai Heads, Massey, ma Kumeu.
I le faatino ai o nei sailiga na o latou mai ai le tele o vaega e faaaoga mo le gaosi ai o le ‘aisa, le methemphetamine, e pei o meafaigaluega, o vaega eseese e moomia mo le gaosiga o lea fualaau faasāina poo ingredient.
E le gata i lea ae na maua ai foi ni auupega mata’utia o ni fana i nofoaga uma nei.
Faamauina e 2 kilokalama le fuala’au faasāina le ephedrine na maua i Mangawhai Heads, ae na faamaonia le maua o le tele o meafaigaluega ma auupega o loo iai ma ututau poo pulu fana i Kumeu; e aofia ai fana ituaiga o le Glock pistol ma le double-barrel shotgun.
Ua faamaonia mai ai nei le pu’e faapagota ma molia ai e leoleo ni tagata e to’afā.
Faaalia le agaga faafetai a le alii satini o se leoleo su’esu’e faapitoa – Detective Sergeant Misilei Fa’aofo le galuega fita ma le mae’ae’a a sui o le auaunaga a le Matagaluega i le tuufaatasi ma le faatautaia o lenei galuega tele.
E pei ona ia faailo, ua mafai ona taofia gaioiga solitulafono a nei tagata na fuafua e fai, se manū a aafia ai le mamalu lautele.
Puna o Faamatalaga:https://www.facebook.com/share/p/1BCKxoh44n
