Ua amata atu i le asō ona mafai ona maua livi totogi mo aiga family leave ma livi totogi pe a aafia i ni sauaga i totonu o aiga (domestic violence leave), ma ua mae’a suesueina.
O tagata faigaluega fulltime, part time ma le casual foi e agavaa ai i lenei faiga e 10 aso o livi totogi mo aiga ma le 10 aso o livi mo ē sauaina i totonu o aiga i totonu o le 12 masina ina ua pasia le tulafono e le faigamalo ia Aokuso o le tausaga talu ai.
O le totogi la o ia livi e fua lava i le aofai e masani ona maua e le tagata o loo aafia mai lona falefaigaluega, i le piliota e masani ona faigaluega ai.
O pisinisi laiti e faatoa amata faamamalu ai le faiga lea i le mae’a o le ono masina, lona uiga faatoa faamamalu i le masina o Aokuso ae o isi falefaigaluega ua amata agavaa atu e amata i le asō.
