Ua faailoa i luga o le stuff.co.nz ni ata mai le CCTV ua iloa atu ai ni tagata o loo fai matapulepule o loo susunu totonu o se malumalu Hindu i Aukilani i Sisifo.
O loo talosaga nei leoleo ma le pulega o le malumalu i nisi e silafia ni faamatalaga i lea mataupu ina ia fesootai ane.
Na tupu i le aso 21 o Oketopa poo le lata i le ‘afa o le 11 i le po i le Shri Ram Mandir temple, ua faailoa ai tagata e toalua o loo fai mask ma gloves, totigilima o loo a’ea le pa o le falesa ma ulufale mai le pito i tua.
Na o la sasaa se suauu i luga o le foloa ma tutu iai le afi tulou, o le vave o sprinklers o le falesa na mafai ai ona vave tape le afi ma ina ua taunuu atu foi le tineimu.
Fai mai sui o lea malumalu e le mailoa pe aisea ua osofaia ai lea malumalu.
Ua ta’ua foi o le malumalu atoa pe a ma le 10 miliona le tau, o se tasi lea o malumalu aupito i telē foi i le atunuu.
