Ua maua le uluai case faamaonia o le Koviti I le motu o Waiheke
Ripoti na tuuina mai o lea tagata na malaga atu mai Aukilani ma sa I totonu lava o lana taavale ao iai I luga o le vaa na malaga atu ai mai Half Moon Bay I le Aso Sa
Faamautinoa mai ai e le faatonu o le Local Board a Waiheke I tala a le leitio a Niu Sila, Cath Handley, ae le I fesootai atu le soifua maloloina I le aoauli ananafi o lea na muamua maua tala I tua mai tagata Waiheke I le taeao
O loo fesiligia ai e le faatonu le mafuaaga o le faimalaga atu pea o le ua aafia e ui sa tatau ona nofo ile fale e faatali muamua le faaiuga o lona siaki o le Koviti sa faia
Ese mai I lea o le fesiligia o le faaiuga e self isolate pe faanofoesea ai I le fale I Waiheke, ae poo le a foi le mafuaaga na faimalaga atu ai I Waiheke
E ui I le tele o fesili a Waiheke, I ripoti mai le soifua maloloina o le a faanofoesea I le fale I Waiheke le ua aafia I le faamai
O le case lenei a Waiheke o se tasi o le 94 cases fou na faailoa mai ananafi
