O le taeao analeila na maua ai se tino maliu o se tamaitai i le itu i Matu o Niu Sa Uelese ma ua pueina ai nei e leoleo se alii lea fai mai le faamatalaga na agai atu i le vaeluaga o le po anapo i le ofisa o leoleo i Ballina ma ia faailoa ona popolega i le soifua o se tamaitai na te iloaina. 

I se taimi mulimuli ane ua faailoa e le 7News na maua ai e leoleo le tinomaliu o se tamaitai i Holden Lane e lata i Cherry St i Ballina lava.

O loo galulue leoleo i le faalavelave lea i le taimi nei ae ua agiga i nisi lipoti o lē ua maliu pe ā ma le 64 tausaga ae o lē ua pueina e leoleo e 66 tausaga.

O se taimi o le asō e feiloai ai leoleo ma tusitala i se lipoti lata mai o lea faalavelave.