Ua maua le tino maliu o se pepe ise pusa aisa fulisa I se fale I le itu I saute o Niu Sau Uelese. Lipotia e le 7 News na agai atu leoleo ise fale I Corowa poo le ta o le 10 ile po anapo ma faia ai se suesuega ma faamaonia ai le maua o le tino o le pepe.
Ua pueina nei e leoleo se tamaitai 40 tausaga mai lea nofoaga ma auina atu I le ofisa o leoleo I Albury e faia ai suesuega. O le a feagai tagata suesue faapitoa a leoleo ma le mataupu lenei pei ona faailoa e se sooupu a le matagaluega.
Fai mai leoleo o soo se tasi e silafia ni faamatalaga I le mataupu lea ia vave ona logo atu le ofisa pe valaau I le crimestoppers. E lei faia ni moliaga I le mataupu lea ae o loo faaauau suesuega.
