Ua faamaonia le maua o se isi tagata i le misela i totonu o Niu Sila, ma o ia lea mai Taranaki.
O le tagata lona 13 lea i totonu o Niu Sila ua maua i le misela, ma ua sau ai i le mae’a lapatai o le atunuu atoa i le masina talu ai ona o le pepesi o le misela e mafua mai i se tasi o case faamaonia mai Northland.
O le tagata Taranaki ua maua i le misela, e faatoa foi mai atunuu mamao ma e lipotia e lē tele ni nofoaga na ia asia.
Ua amata faasolo suesuega a le National Public Health Services e lē gata o le case faamaonia ae o tagata e latalata sootaga.
O nofoaga na asia e le case o le a faailoa faalauaitele i luga o le upega tafailagi a le matagaluega a le soifua maloloina.
