Ua maua mai le lipoti i le faalavelave na feto’ai ai vaalele helicopters e lua i le Gold Coast lea foi na aveina atu ia tatou lipoti i se taimi ua sola ma ua ta’ua ai e lei lagonaina e le pailate o le helicopter lea na agai ane e tulaueleele, se valaau atu i le leitio a le pailate lea o le a alu ese atu mai le matafaga.
O le iuga lea o le suesuega sa faia e le Australian Transport Safety Bureau.
O vaalele uma e lua e umia e le Sea World Helicopters na feto’ai ma maliliu ai tagata e toafa i le aso 2 o Ianuari i le Gold Coast, atoa ma le isi toaono na manunua ai ma togafitia i le falemai.
