Ua faailoa o le a maua e a’oga faalaua’itele poo public schools i Niu Sa Uelese se isi vaegatupe faaopoopo e $4.8 piliona ma auai faatasi foi ma setete e pei o Vitoria, Western Australia, South Australia, Tasmania, ACT ma le Northern Territory lea foi ua saini i lea maliega e 10 tausaga.
O lona uiga la o setete uma i Ausetalia se’i vaganā Kuiniselani, lea ua saini uma i le maliega lea ma le faigamalo a Ausetalia ina ia una’ia ai faatupega o a’oga faalaua’itele i lalo o le maliega ua faaigoa Better and Fairer Schools Agreement (BFSA).
Fai mai le minisita o a’oga, Jason Clare o le faatinoina o lenei sainiga o le toe faamautūina lea o le faatuatuaga o tagata i le auaunaga tau a’oa’oga i le setete lea sa maitauina i tausaga ua te’a le faaitiitia o le numera o tamaiti e lesitala i a’oga lautele ae aga’i i a’oga tuto’atasi, private schools.
Puna o Faamatalaga: https://www.google.com/amp/s/amp.abc.net.au/article/105004242
