Ua maua le case lona tolu o le Monkeypox i totonu o Niu Sila. O le lipoti lea mai le matagaluega a le soifua mālōlōina i le aoauli ananafi, ma o le case lona tolu e faapea o se tasi o pasese faato’ā taunuu mai atunuu mamao ma sa faanofoesea i le South Island.
E lē o iai foi ni faamaoniga i le taimi nei o le maua o se case o le Monkeypox i tua i le komiuniti. Ua faamautinoa mai ai foi e le matagaluega, mo le puipuiga o le case faamaonia e lē toe iai nisi tala e tuuina mai e faatatau i le case faaopoopo.
E oo mai i le taimi e tuufaatasia ai tala fou ua silia ma le 16,000 cases o Monkeypox ua lipotia mai atunuu e 75.
