A o alo atu ai le atunuu ma le lalolagi atoa e faamanatu le Aso faapitoa mo le Faalogo “World Hearing Day 2024”, i le Aso Sa o le a sau nei, ae ua faalauiloa mai e le Senese Inclusive Education e ala mai i sa latou faalauiloa i luga o le latou itulau poo le facebook page, le faatautaia o siaki mo tagata lautele aemaise fanauiti e amata atu i le aso a taeao aso 2 o Mati 2024.
O le a faatino siaki i le hall poo le maota o le Ekalesia Porotesano i Apia, ma e leai se totogi e faia mo le siakiina o le faalogo a i latou o le a aotovaa atu.
Ua mafai ona tuufaatasia lenei polokalame tāua e tauala mai i le faigapaaga a le Senese ma le Women In Business Development Inc.
