Na tulai i luma o le faamasinoga i le asō se alii e tali i moliaga e tusa ai o le mataupu na maua ai e le ofisa o le tiute le 62 kilo o le fualaau faasāina o le aisa e tusa lona tau ma le 9 miliona.
Fai mai le ofisa o le su’esu’ega na faia e iai le sootaga i nisi o uta mai le ea na maua e le tiute i su’esu’ega i le border i le va o Ianuari ma Me o le tausaga nei. Fai mai le faamatalaga o le uta o le fualaau faasāina sa nanāina i totonu o masini uelo e fā ma nanāina mai isi sapalai i totonu o mea e tuu ai le ink.
E 31 tausaga o le alii na tula’i i le faamasinoga faaitumalo i Aukilani i le asō i moliaga o le aumaia o le fualaau faasāina faatulaga i le Vaega A ma o loo ta’ua e le Herald e talitonuina o le uta atoa lea e to’atasi lava le tagata i Aukilani sa fuafua e aga’i sa’o iai.
