E 41 tausaga o se tamaitai na maua atu e tigaina manu’aga i lona ulu a o iai i se tasi o nofoaga i le faaitu o Bedford i Perth.

Fai mai leoleo e le o mafai ona iloa poo ai lea tamaitai ma o loo taofia nei i le Royal Perth Hospital i se tulaga tigaina.

O loo galulue nei leoleo i lea faaitu e sailia nisi e silafia ni faamatalaga i lenei mataupu ae pe iai foi se tasi na te iloatonu le tamaitai o loo aafia.

O le po o le Aso Sa na tea nei lea e lipotia ane ai lea mataupu ma faasā ai loa le nofoaga lea o loo fausia ai se fale o i na maua atu iai lea tamaitai.

E talitonu foi o loo iai molimau a nisi o tuaoi e foliga o lē ua aafia e le mamao ese se mea e nofo ai mai le mea na tupu ai le faalavelave.

O loo faaauau pea suesuega a leoleo.