Ua aliae ata mai meapueata sekulati ua iloa ai ni tamaitai se toalua o loo laei toniga a le aufaigaluega a le NZ Post ma o la gaoia mai ni afiafi mai se tasi o fale I Aukilani.
Ua faamaonia mai e le NZ Post o toniga ia na gaoia I se taimi na osofai ai e se tasi seisi o depot a le kamupani I aukilani I sasae ilea so 25 o Aperila, tolu aso ae lei aliae ata mai le CCTV.
Fai mai se sooupu a leoleo na o latou se lipoti e uiga I le gaoiga lea o le apartment ma faia ai loa suesuega. Fai mai leoleo ile mamalu o le atunuu afai e silafia I laua o loo maua atu ata I meapueata ia , e lelei ona faafesootai vave le ofisa o leoleo.
Lipotia e le Stuff e le o mailoa e leoleo pe iai se sootaga o toniga na gaoia ma afifi ia na gaoia e tamaitai e toalua ae o loo faia nei suesuega.Fai mai le pule ole NZ Post Brendon Main ua lagona lava le le fiafia I le tulaga ua tulai mai ma o ananafi na faatoa iloa ai le tulaga lea ina ua aliae ata I luga o le social media.
Ua faailoa e Main afai e iai nisi o paaga a le NZ Post e lagona ua gaoia pe lei maua foi afifi, e lelei le fesootai vave ane sei faia suesuega.
