Na amata atu i le aso ananafi ona faaopopo nisi tagata Niu Sila e maua le fesoasoani mo auaunaga tau fa’inifo ona o nisi o fesoasoani ua amata faamamalu.
O nei suiga o le a agavaa ai ni aiga i fesoasoani nei a le malo i auaunaga tau fainifo.
Ua faailoa mai i le asō o special needs grants o le a siitia mai le 300 i le afe tala ma e le o se tupe e toe totogiina ma e mafai ona maua le silia ma le tasi o le fesoasoani lea i totonu o le tausaga.
Ua saunoa ai le minisita o le soifua maloloina Andrew Little e faapea o lenei taumafaiga e fesoasoani ai i le toatele o tagata Niu Sila e togafitia faaletonu tau oloa a o lei avea foi o nisi faafitauli tetele.
Fai mai le minisita o le tulaga tonu lava faapea lea e agai iai health reform poo faatulagana tau le soifua maloloina o loo faagasolo nei, o le vave o le tuuina atu o le tali i faaletonu e feagai ma tagata o le vave foi lea ona foia o le mataupu ma alofia ai nisi tau taugata e totogi mulimuli ane i tulaga o taotoga ma isi togafitiga faigata atu.
