Ua faasee ese mo le taimi nei mai galuega se alii pailate o le kamupani vaalele a le Jetstar ina ua maua ni faamaoniga o ni vaega o ni fualaau faasāna i ana ato i le malaevaalele i Melepone.

O le lipoti a le 9News ua faailoa ai sa maua foi ma ni faamaoniga o ni vaegamea o fualaau faasāina i luga o lana telefoni ma na maua lea tulaga ina ua tulauelele le vaalele i Melepone mai sana malaga mai Bali. 

Na ta’ua e le sooupu a leoleo e lei faia ni moliaga mo le taimi nei ae o loo faia se suesuega.

E le o fia faia foi se faamatalaga a le kamupani vaalele i le taimi nei i le mataupu lea peitai ua faailoa i sa latou pepa o faamatalaga na faamatuu i le aufaasalalau, e matuai le taliaina e le kamupani vaalele se tulaga faapea o se pailate e aafia i le ava malosi pe faaaogaina foi nisi fualaau faasāina ma e fai lava siaki e pei ona iai i aiaiga o le galuega.