Ua amata maua mai le aso faaiuga o suega NCEA.
O suega nei o le National Certificate in Educational Achievement poo le NCEA mo le silia ma le 160,000 fanau Niu Sila na sue i le 2022 o le a maua mai le aso i luga o le website a le New Zealand Qualifications Authority le NZQA.
E le gata o le faaiuga o suega ae o le a mafai ai foi ona iloa ai pe na iai ni credits na mafai ona maua mai a latou aoga ae pe fia foi.
Ae mo fanau e le o manatua a latou numera ua ta’ua o National Student Number poo nisi lava faamatalaga e log in ai, o loo mafai ona fesoasoani mai le NZQA tauala mai le chatbot i luga o lana website.
O le asō foi e le gata ua faaopoopo le aufaigaluega a le NZQA e talia fesili a le fanau ae o le a umi itula faigaluega lea e oo atu ananei i le itula e 8 i le po.
O le asō e na o faaiuga maua mai online, talia pepa suega o le NCEA e faatoa maua mai i le aso 24 o le masina lenei ae o faaiuga o suega sikolasipi e faatoa faailoa mai i le aso 8 o le masina fou.
