U lipotia mai le manuia o taumafaiga a malu o le malo, i le pu’e ai o ni talavou na māua lo latou gaoia ai o se taavale, ituaiga o le Toyota i le vaveao o le Aso Lua.
E to’avalu i latou na faia lea gaioiga faasolitulafono, ma o le mea mata’utia i lea matāupu o talavou nei e mai le 12-15 tausaga le matutua ma i leoleo ona o tausaga e lē tatau ona tauaveina se taavale talu ai le laiti tele.
O le ala lea na taumafai ai sui na tali atu i le matāupu ina ia maua ma le saogalemu i latou nei.
I talaaga o le matāupu, na maua e leoleo le taavale na gaoia poo le 20 minute i le itula e 3 i le vaveao ma o lea na mata’itū ai loa e le vaalele helikopa, le Police Eagle helicopter le taavale mai luga o le ‘ea ma le vaega a le Delta Dog Unit.
Faamauina e le’i tū le taavale ina ua faailo atu ai leoleo na iai i faaitu o Massey ae na aga’i pea i Waterview Tunnel ma le auala aga’i i le State Highway 1.
Ta’ua e leoleo le faatino ai ma le faaeteete o le galuega mo le saogalemu o ia talavou, ae na manuia lelei faatinoga e pei ona faaaogā ai o mea maama’ai poo road spikes e lata ane i Hillsborough e taofi ai le taavale.
Na manuia taumafaiga, ma e le’i iai se tasi na faamanu’alia.
Ta’ua i faamatalaga mai leoleo, o le to’atolu o talavou nei, o le a tula’i i luma o le faamasinoga mo tupulaga talavou, ma o loo molia i le tulafono.
O moliaga e aofia ai le avetaavale mata’utia ma le lē tū ai o le taavale i leoleo, (dangerous driving and failing to stop for police).
Puna o Faamatalaga: https://www.facebook.com/share/p/19bXRGccdm/
