O loo faaauau su’esu’ega a leoleo i le mataupu na o latou taofia ai ma faamuta se tasi o gaioiga sa faatino i luga o le social media feta’ua’ina ai le faatau atu o nisi o aitema faasāina.
Ua ta’ua i le One News na su’e e leoleo se fale i Blockhouse Bay i le aso ananafi o se vaega o le latou su’esu’ega i le faatauina o tasers ma pepper spray i luga o le facebook.
O le su’esu’ega la lea na i’u ina maua atu ai ma se tagata i le tuatusi sa faia ai le su’esu’ega ma maua iai ma ni fagu pepper spray e 29, stun guns e 27 ma le silia ma le 16 kilo o laau faasāina.
Fai mai leoleo o le popolega ona e maua atu nei aitema ua mae’a ona sauni lelei mo le faatauina atu ma sa pu’e mai ai i lea fale se tamaitai e 28 tausaga.
Na tula’i i le faamasinoga i le aso ananafi ma taofia e leoleo le tatala i tua.
Fai mai leoleo o se tulaga lelei tele lenei mo le komiuniti aemaise le tele o ituaiga a’upega faapea ua feta’ua’ina le faatau solo i luga o le social media.
O loo faaauau pea le su’esu’ega i le asō.
Puna o Faamatalaga: https://www.1news.co.nz/2024/10/03/stun-devices-pepper-spray-seized-as-police-shut-down-facebook-operation/
