I le mae’a o vaiaso o faatalanoaga ma le tele o le mau faamatalaga fepasiai ua faailoa mai e le faigamalo o iai nei a le setete ua o latou maua le lagolago sa manaomia e pasia ai le faiga faavae autu sa faatulaga e faatatau i le tau ina ia avea ai ma tulafono.
O lona uiga o le a avea ma tulaga sa’o sa fuafuaina iai pe a oo i le aso muamua o Iulai suiga sa faia a le Leipa atoa ai foi ma nai suiga mai le Green ina ia ausia faamoemoega ua mae’a faatulaga mo le 2030 i tulaga o kasa faamatuu atu i le siosiomaga.
O se tasi lava lenei o mataupu sa popole iai le malo e pei ona faailoa i lipoti auā e le faigofie foi ona faaofi i le Palemene, pili ma tulafono taufaaofi e faatatau i ia mataupu.
O lea la ua tutu faatasi le Leipa ma le Green i le maliega lea o lona uiga o le a faaofi foi ma nisi o manaoga folasia o le Green i le mataupu lea auā ua ausia le aofai sa manaomia e faaauau ai.
