O le a tulai se tasi alii i luma o le faamasinoga i se taimi e tali moliaga i le mae’a ona maua e leoleo o le silia ma le 400 afe o le tau o fualaau faasāina o le aisa atoa ai ma le faitau afe o le tau o auro ma siliva mai se fale i le taulaga i Sini.
Fai mai na su’e e leoleo se unit i Bathurst St i le vaiaso nei ina ua mae’a su’esu’ega o le sapalai o fualaau faasāina i le taulaga.
Feta’uaina e silia ma le 600 kalama o le aisa na maua ai, faapea auro ma siliva, jewellery ma tupe.
E 48 tausaga le matua o le alii ua pu’eina nei e leoleo mai lea unit ma ua molia i moliaga eseese tau fualaau faasāina, ma e lē o mafai ona tatala i tua e faatali ai le aso e tulai ai i le faamasinoga.
