E toatasi se alii 58 tausaga ma se tama talavou e 15 tausaga na maua atu ua maliliu i totonu o se fale i Niu Sa Uelese mai manu’aga mai se fana.
Fai mai lipoti a leoleo na maua i laua ia i le Aso Tofi mai le faaitu o Yamba ma e tau fai manunu’a uma i laua.
O uluai lipoti mai le suesuega na faia ua faailoa ai o le tagata lea e 58 tausaga na te umia se fana ua mae’a laiseneina ma o loo silasila nei leoleo i lona talaaga i mataupu tau fana.
O loo ta’ua foi i le lipoti a leoleo o lo latou manatu e le o iai se isi tagata o aofia pe tau sailia i le mataupu lea.
O le aso ananafi na faatino ai le suesuega i le nofoaga na tupu ai le faalavelave ma saunia foi se lipoti e tuu atu i le coroner e tusa o le faalavelave.
E le o ta’ua mai le faiā o i laua ua maliliu seia mae’a suesuega.
