Alafai mai le toatele i Sini i le taeao analeila i timuga ma timu aisa foi i nisi vaega na vaaia ai foi ma fetuunaiga i auaunaga o femalgaaiga lautele.
O le aoauli ananafi na amata maitauina ai le faaletonu o le tau i vaega o Sini, vaaia timu aisa ma tofaatautau i le itu i sisifo o le aai ma uila ma faititili i le tele o vaega.
O le taeao analeila na vaaia ai foi le mamafa o le puao i le city harbour ma faailoa mai ai e le vaaitau o le a matele ina timu le aso ona o se vaega o uiga ole tau o loo faasolo ane i luga o le Tasman sea. O timuga e faaauau pea ona toulu i le asō ma le aso a taeao aemaise le faasolo atu i le faaiuga ole vaiaso.
O isi vaega o Ausetalia fai mai le vaaitau o le a fesuisuiai lava le tau e susu ma vevela i lenei taumafanafana. Fai mai le vaaitau e lelei ona faaeteete tagata uma ia alofia ai ni faalavelave tutupu.
Puna o Faamatalaga: https://www.9news.com.au/national/more-storms-and-heavy-rain-for-sydney-travel-disruption-warning/f4945648-7e1a-42da-b0ec-60ef1e6cc9e9