O faamaumauga faatoa faamatuu mai e le upega tafailagi mo faatauga le Trade Me ua faailoa ai tulaga o totogi mo fale mautotogi i le atunuu ma o Northland lea ua vaaia ai se siitaga tele i falemautotogi. 

I le amataga o le tausaga o le aofaiga ogatotonu sa iai le totogi o fale mautotogi i Northland sa i le 500 i le vaiaso peitai e oo mai i le masina na tea nei o Tesema ua oo atu i le $560.

O isi faaitu e pei o Manawatu-Whanganui, Taranaki ma Canterbury o loo faamauina ai foi le siitia o rent i le a itiiti mai leisi 40 tala faaopoopo. O Aukilani lea o loo matuai toatele ai tagata ua faamauina ai le siitaga aupito itiiti ae leai se suiga o rents i Ueligitone.

Pau le faaitu o loo i lalo mai o le $500 le falemautotogi o Southland o loo faamauina e $415 i le vaiaso le rent aupito maualalo. 

O le upega tafailagi lea o le Trade Me e faasalalau ai fale mautotogi pe ā ma le 11 afe i masina taitasi.