E lē o iai i se tulaga mautū se tulaga o le a lilifa iai le afā o Alfred lea na feta’ua’ina e aafia ai Kuiniselani i le vaiaso nei ma ua faatupula’ia pea lona malosi.

O le taimi nei o loo iai Alfred i le tusa ma le 850km i le itu i Matu i Sasae o Mackay ma le tusa ma le 1000km i le itu i Matu i Sasae o Rockhampton i le Coral Sea.

Fai mai le vaaitau o loo mamafa le manatu e ono tumau pea lea afā e mātele i le sami mo le isi lua aso o sosoo ai, ae a mae’a le lua aso lea, e lē mailoa poo le ā tonu le tulaga e ono iai, pe ono tumau pea i gataifale o Kuiniselani pe mamao ese foi mai gataifale.

E ui i lea ae ua lipotia ua faalogoina pea i gataifale o Kuiniselani aafiaga o lea afā.

Ua oo atu le malolosi o matagi i le 130km i le itula i lona ogatotonu ma to faata’uta’u e oo i le 185km i le itula ma o loo aga’i atu i le itu i Saute.

Ua maitauina foi le malolosi o galu toe maualuluga ma ua lapata’ia foi le aufaifaiva.

Ua fautuaina e le vaaitau tagata uma o loo lalata atu i ia nofoaga ina ia fai ma siaki le upega tafa’ilagi a le vaaitau mo faamatalaga ma lapata’iga aupito lata mai o le afā o Alfred.

Puna o Faamatalaga: https://www.9news.com.au/national/tropical-cyclone-alfred-updates-strengthened-to-category-3-strong-winds-waves-in-queensland/742a9a8c-97d2-4ac0-a4dc-3b376e86dbe7