O lea ua amatalia le taamilosaga a le Ipu o le Lalolagi a le soka mo tama’ita’i e i lalo le o le 17 tausaga le matutua le FIFA U-17 Women’s World Cup, e pei ona saofagā atu ai le ‘au a Samoa.
Ma o le vaveao o le taeao analeila na taaalo ai tama’ita’i ma le ‘au mai Farani.
E tusa ai ma lipoti, o se talafaasolopito lenei mo Jayde Eldredge ma Makea Leonard o nisi ua mua’i maua ai ni ‘ai o Samoa i le taamilosaga a le FIFA.
Ta’ua i lipoti na mata’ina le taumafai a tama’ita’i i le amataga o lenei taamilosaga e ui ina malolo i le ‘au a Farani, i ‘ai e 2 i ‘ai e 4 ia Farani.
O se mitamitaga le taumafai a alo ma tamafanau o loo fai ma avefu’a a Samoa i taaloga faavaomalo.
O loo faatino lenei taamilosaga i Morocco.
Puna o Faamatalaga: https://www.facebook.com/share/p/14MUb3Zr975/
