O le sola ai o le ‘au a le Miami Dolphins ma le manumalo i le la taaloga ma le Baltimore Ravens i le taaloga o le football o se taumafaiga aupito Sili lea ona mataina (career best performance) a le alo o Samoa ia Tua Tagovailoa. 

O se taumafaiga e le’i masalosalo ai ana sui taaalo a le Miami Dolphins ma o latou ta’ua i le ESPN na o latou iloa lava e telē le agavaa o loo ia Tua ma o le a ia faia foi mea silisili mo le latou ‘au. 

“We expect that from Tua, we’re confident in him; he’s confident in himself. I mean, it’s good for y’all to see but we kind of expect that.” 

O se vaitaimi maualuga mo le talafaasolopito i taaloga mo le alii o Tua ma e 469 passing yards ma touchdown e 6 ma manumalo ai i ‘ai e 42 i le 38 a le Baltimore Ravens i le faaiuga o le vaiaso na te’a nei. 

E toatele sui o le au a le Miami Dolphins na faaali o latou manatu i le mataina o le taaalo a le alii o Tua ma le to’a o le finau a lea alo o Samoa na ala ai ona manuia a latou taumafaiga.