O lea ua tulaueleele i le atunuu o Vietnam tamaitai tauva o le Miss Global lea o loo ‘aifilofilo ai ma le sui tauva o Samoa i lea tauvaga o tamaitai tausala o le kelope.
O le vaega o le tauvaga na faia i Cambodia a o lei tuua e tamaitai tauva lea atunuu mo Vietnam na faia ai saunoaga a sui tauva taitasi, lea sa saunoa ai foi le tamaitai sa avea ma tausala o Samoa o loo fai ma sui o le atunuu i lea tauvaga faavaomalo o Haylani Pearl Kuruppu.
O se vaega lenei o lana saunoaga i le gagana peletania.
Haylani Pearl Kuruppu sa avea ma Tausala o Samoa ae o loo tauva nei i le Miss Global i Vietnam, lea o loo lagolago malosi lona auai e le kamupani telefoni o le Vodafone Samoa.
O loo faagasolo le palota poo le online vote mo tamaitai tauva o lea tauvaga, lea e mafai ona palota ai le aulagolago a lo tatou atunuu mo le tatou sui tauva, e ala i le faaaogā o le upega tafailagi o le Miss Global app.
O le tamaitai o Haylani ua aofia i le 30 pito i luga ua latou faaauauina le tauvaga mo le isi laasaga seia taunuu i le tini.
