O le latalata i le 12 anapo na valaau ai leoleo i le mu o le Aroha Funerals, ma i faamaoniga mai leoleo o se mu o loo masalomia lona mafuaaga.
Na leo ai e leoleo lea nofoaga anapo, ma e tuufaatasia tala fou o le taeao nei o loo faia pea suesuega a le ofisa i lea nofoaga.
I se lipoti lata mai o lenei faalavelave, na faamatala e lē e ana le falemaliu na mu i le po anapo lona faanoanoaga ma le faateia foi ina ua tulai mai lenei faalavelave ma o loo tau mafaufau foi pe aisea ua faatino ai e se tagata lea gaioiga i le latou pisinisi.
O le pisinisi o le Aroha Funerals i Mt Wellington lea o loo lipotia i le One News e foliga na osfaia e le tagata ma susunuina le po anapo pei ona iai sa latou faaaliga i luga o le itulau a le facebook.
O le tamaitai pule a le faatonu o le pisinisi, Janet Mikkelsen na ia faailoa i le televise le faateia o ia i le tulaga na tulai mai ma sa faapea a ia e le o se afi tele ma masalo ua galo ona tape se moligao pe a fua i le sasao ane o se afi.
Peitai e le o le tulaga lea na iai, ona na maua i suesuega a leoleo e foliga na faaputu faatasi uma e le tagata poo i latou na faatinoina lea tulaga, meafale sa i totonu o le nofoaga ona susunu faatasi lea i le afi.
Fai mai leoleo o le taimi nei o loo faatino le suesuega a leoleo galulue faatasi ai ma le fuimu ma le vaega suesue a le vaega e feagai ma faalavelave faafuasei.
Ta’ua e Mikkelsen e le o se pisinisi tele le latou kamupani o i latou uma o tamaitai e galulule mo aiga i taimi faigata ma e le mailoa pe mafua i se a ona faatino e se isi se tulaga faapea i si a latou auaunaga.
.
