Ua iai masalosaloga e iai le tagata lea e fesoasoani e faalafi le tamā ia Tom Phillips ma lana fanau.
O lea na gata lava le vaaia o Phillips i le pikiapu gaoi i le vaiaso talu ai, ma o lea ua matuai paso leoleo e su’e e lē gata e sau e tu i ona moliaga ua molia ai, ae faapea le fanau laiti lea ua savali le 19 masina o leai.
Ae mai tagata Marokopa ua molimau nisi i tala a le leitio a Niu Sila, e lē o popole tele iai i le leiloloa o Phillips ma lana fanau, auā o lea foi na o muamua ae foi mai o loo fiafia uma ma tamaiti toe manuia.
O le finagalo o se tasi o tina mai lo latou pitonuu, o le mea taulia o loo lelei ona vaaia e Phillips lana fanau.
I suesuega a leoleo o lea ua i Sisifo o Otorohanga faapea ana i Waitomo, o le togavao agai i le Tasman Sea faapea ai ma le asiasi i fale o aiga taitasi.
