E oo atu i le Kerisimasi ua oo i le maualuga e $3.50 i le lita le tau o le penisini 91.
O le faaauau pea ona alualu i luga o le tau o le suauu i totonu o Niu Sila ma le sau i lalo o le malosi o le tala Niu Sila ua fesoasoani tele lea i le taugata o le tau o le suauu.
A tuu atu foi i atunuu poo maketi o loo sau ai le sapalai, e iai Lusia ma Saudi Arabia o lea lava o loo faatapulaa le sapalai.
O itu nei ua fai mai ai le AA e ono oo atu i le Kerisimasi ua oo i luga i le $3.50 i le lita le tau o le penisini 91, ma o le tau lea ua saofai ai le penisini 95 i nisi o pamu penisini i le taimi nei.
I le taimi nei o lea e $3.12 i le lita mo le penisini 91, masalo poo le isi lua vaiaso ua oo i luga i le $3.20 i le lita ma a’ea’e atu ai pea i luga i le kuata faaiu o lenei tausaga.
