Ua vaaia le toe toatele ane o le aufaamalo i luga o upega tafailagi ma le facebook i le ‘au a le Toa Samoa i le vaveao ananafi ina ua iu le taumafai o le ‘au i lana taaloga lona lua na fetaui ai ma le ‘au a Greece.
O le Toa Samoa sa faiaina talu ai i le uluai taaloga ma Egelani ma matauina ai le toatele o le atunuu sa faailoa ni finagalo le fiafia i luga o upega tafailagi e tusa o taumafaiga a le ‘au, peitai ina ua manuia i le taaloga ananafi ma Greece, sa maitauina ai le toe foi ane o le toatele e faaleo le faamalo ma le faafetai i le taumafai a le ‘au.
O se mataupu sa faailoa ai foi finagalo o nisi i talafou ma ta’ua ai e ao lava i tagatanuu ona taputapuai pea ma le onosai i taumafaiga a nai alo ma fanau aemaise o le ofoina o lo latou taimi e tauave ai le igoa o le atunuu i ia faagatama faavaoamlo.
O ‘ai o le taaloga, Toa Samoa 72- Greece 4.
O Farani lea o le a fetaui ma le Toa e sailia ai se avanoa e see atu ai i le sailia o quaterfinals mo le Ipu autu.
