Sa manatu se tasi tagata Niu Sila penisiona o lona malaga atu i Thailand ua mafua ona o sana faailoga o le Koviti-19 mai Malo Aufaatasi ae uma ane o le lua kilo o fualaau faasāina.

O lea tagata e 77 na pueina i le masina o Iulai e le Australian Federal Police ina ua maua iai fualaau faasāina i lana atopau a o malaga ane mai Melepone i Aukilani i le foi mai lea o lana malaga mai Thailand. 

O loo feagai nei ma moliaga i le aumaia o fualaau faasāina i le atunuu ma e ono oo atu i le 25 tausaga e falepuipui ai.

Faailoa e le Australian Border Force o le pauta paepae na o latou mauaina ua faamaonia o fualaau faasāina sa nanā mai i totonu o le lining o le atopau ae fai mai a ia o ia ua aafia i ni faiga taufaasese. 

Fua i faamaumauga mai le faamasinoga na ta’ua ai e lea tagata na ia talitonu o loo malaga i Thailand e piki lana faailoga mai Malo Aufaaatsi mo mataupu tau Koviti-19, fai mai sa faafesootai atu ai o ia e se tagata i le Whats App.

Peitai e uma ane ua faaseseina o ia e ia tagata ma tuu ane ai le atopau lea fai mai na te aveina ane mo nisi i Ausetalia ma a mae’a ona ia tuuina le atopau lea i tagata i Ausetalia ona ia maua lea o se vaegatupe e 23 miliona Amerika, peitai la ua leai se 23 miliona, ae ua taofia nei e leoleo i Ausetalia e tālia ai le iuga o le faamasinoga.