Search

Manatu se loia mai Ueligitone sa faatulafonoina le faia o le faatautoga o le vaega faaupufai a le FAST ma le uluai palemia tamaitai o Samoa

O se alii loia mai Ueligitone o loo taua ile lipoti a le stuff I le aso sa galue I Samoa ile silia ma le 30 tausaga ua ia faaalia o le faatautoina o le vaega faaupufai a le faatuatua ile Atua Samoa ua tasi ma lo latou taitai, afioga Fiame Naomi Mataafa o le uluai palemia tamaitai o le atunuu, o loo faatulafonoina.

Ise tusi na tuuina atu e lea alii loia John Upton QC ia Fiame ua taua ai o loo ia malamalama I le tulaga o loo iai nisi o itu e le o mautonu ai nisi o laasaga sa faia I le maea ai o le palota ae o le tiute fua I le faavae e ao ona fai o le usuia lea o le palemene ma amata ona tiute.

I lea lava tusi e pei ona lipotia I le Stuff ua faailoa ai le finagalo o lea alii loia I nisi o mataupu o loo faatalia ai pea nei se tonu I upufai a le malo o Samoa.

Na ia taua ai foi ma le teena e le palemia tausi o le usuia o le palemene,ma ia taua ai o le tiute ole palemia tausi ma le faigamalo ia faaauau pea sei vagana ua feiloai le palemene fou ma amata ona tiute.

O loo faatalia pea I le taimi nei seisi lipoti lata mai o le tulaga o loo faagasolo ai feutanaiga i  upufai a si o tatou atunuu.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

WATCH LIVE NOW

Keep uptodate with Radio Samoa activity & promotion

* indicates required