Saunoa le palemia o Samoa, Fiame Naomi Mataafa o le tutu faatasi o atumotu laiti o le pasefika e taua e faamautu ai e lagona so latou leo i le lalolagi. Faia lea saunoaga a le palemia I le Peter Tali Coleman Lecture on Pacific Public Policy ile Georgetown University I Uosigitone, o se vaega o le Blue Pacifi Future series.
I lana saunoaga na taua ai e le palemia o le galuega e toe faatulaga le tutu faatasi o le pasefika, o loo faagasolo I le taimi nei ile maea ai o taumafaiga a atunuu mai le Maikolenisia e agai ese ma le Pacific Island Forum.
Taua e le palemia o le a faia leisi feiloaiga a taitai ole Forum I le masina o Iuni mae faamoemoe e oo atu iai ua maua se tonu o le mataupu lea I atunuu ole Forum mai le itu I matu. O nisi lipoti muamua sa lipotia atu foi I talafou sa faailoa ai le faale lelei o sootaga o atunuu Maikolenisia ma le Pasefika ina ua tofia le sa avea muamua ma palemia ole atu Kuki, Henry Puna e avea ma failautusi fou o le Forum ae lei tofia ai le sui mai le atu Maikolenisia.
