Ua faaalia manaoga o le Fofoga Fetalai ia Gerry Brownlee ia siitia leoleoga mo sui faipule a o iai i tua i o latou valaauina, ae e lei oo atu i se isi tulaga ese.
O suiga faaopoopo o le tuuina atu lea i sikulati a faipule o le malosiaga latou te saisaia mai ai tagata ma galulue faatasi ma leoleo o loo i le Police Diplomatic Protection Service.
Sa faalautele e le Fofoga Fetalai lona finagalo, e lē faapea a mea o manao e faalautele mai i isi faipule leoleoga o loo faia e leoleo lea o loo leoina le Palemia, peitai o se itu ua tatau ona tatai iai le silasila a o faatupulaia pea osofaiga faasaga i sui faipule a o iai i tua.
O se mataupu na lāgā mai e le Fofoga Fetalai a o talanoaina le paketi a le Parliamentary Service, ma ua faailoa e Brownlee o loo faatalanoa e leoleo ma o loo faatali se latou fautuaga.
Puna o Faamatalaga: Parliament: Speaker Ggerry Brownlee wants to boost security for MPs; Security teams could be given powers to arrest – NZ Herald
