Ua polomisi Winston Peters e na te faaaloaiaina le Gagana Peretania pe a tu mai i le palota.
O saunoaga nei a Peters i le faaiuga o le vaiaso a o iai i Pukekohe, ma na ia faaalia ai foi le ofo o lea e lē o aloaiaina le Gagana Peretania o se gagana e aloaiaina i totonu o Niu Sila ae na o le Gagana Te Reo Maori faapea le sign language.
O le tusigaigoa o le 2018 na faamauina ai o le 95.4% o tagata Niu Sila e faaaogāina le Gagana Peretania i talanoaga, peitai e lē o aloaiaina.
E ese mai lona manao ina ia aloaia le Gagana Peretania, na faaalia foi e Peters lona lē auai i manatu o nisi e suia le igoa o Niu Sila ia Aotearoa.
