O loo faia nei su’esu’ega faasaga i se tasi o fale’aiga i Ponsonby i Aukilani, Taiko Ponsonby lea na mama’i mai ai le silia ma le 20 tagata na asia.
E to’a 22 tagata na lipotia le faalogoina āuga ua mama’i, ma ua faia ai su’esu’ega a le puleganuu a Aukilani faapea le Food Safety a Niu Sila.
Ua fai mai ai ma le puleganuu i lipoti a le Herald ua pa’ū ai ma le tulaga o le fale’aiga Iapani lenei i le mae’a ai o asiasiga e le’i mamao atu, mai le A i le D.
O le tuu ai i le D, e lē o mafai ona faamatalaina auiliili mai le mafua’aga ona o tulafono masani o su’esu’ega faapenei.
O āuga na faalogoina e nisi o tagata na aai i le Taiko e pei ona lipotia e aofia ai le internal bleeding, faasuati ma le manava tatā, ma e iai nisi o lea na faanatinati e le ambulance i le falema’i.
Peitai, e to’atele ua toe molimau i le lē fiafia i le fale’aiga ona e pei e lē mamafa ia i latou ma o loo teena foi e le Taiko a mea e iai sona sese.
Puna o Faamatalaga: Taiko Ponsonby Japanese restaurant food safety rating demoted from ‘A’ to ‘D’ amid food poisoning claims – NZ Herald
