Ua iai faigamalaga ua faaleaogaina ma toe tolopo i le malaevaalele i Ueligitone ona o le mamafa o le puao ua faigata ai ona iloa lelei vaega e tulaueleele ai vaalele.
O loo mafai ona faaauau nisi o malaga e agai ese mai ma le malaevaalele ae o le tele o malaga e taunuu atu ua toe tolopo pe faaleaogaina foi seia iai se taimi mulimuli ane o le aso.
O le toatele o pasese ua aafia ai i le fetuunaiga lea e pei ona faamanino mai i faamatalaga i luga o le upega tafailagi a le malaevaalele.
O tagata o loo fia malaga ese ma Ueligitone ua fautuaina ia siaki i kamupani vaalele na fai ai a latou booking poo le upega tafailagi a le malaevaalele mo taimi sa’o o faigamalaga.
Fai mai le pulega e sili lava le puipuia i lo le tau togafitia.
